كتبت- رحاب معيوف
أعلن الفنان إدوارد منذ قليل، على إصابته بشلل مؤقت في المعدة بسبب حقن التخسيس، وذلك عبر منشور كتبه بحسابه الرسمي يموقع التواصل الإجتماعي “فيس بوك”
بينما قال إدوارد:
“أنا كنت باخد حقن التخسيس تحت إشراف دكتور تغذية ونزلت حوالي 15 كيلو، كنت باخد حقن الساكسندة، ودي الدكتوره نصحتني بيها بس مشكلتها بتتاخد كل يوم في المعدة”
“بس ميزتها أننا نقدر نتحكم في الجرعات عشان ما نتعبش ووصلت للوزن اللي أنا عاوزه، دخلنا في مرحله التثبيت”
كما أضاف:
“الدكتورة طلبت مني أروح لدكتور جهاز هضمي أعمل تحاليل من سنة طنشت قلت لها أنا هاخد حقن اسبوعية بدل يومية عشان تعبت من كل يوم حقنة”
“وفي ناس نصحوني بالتروليستك لأنها أسبوعية ومش قوية زي المونجارو فضلت
أخذ التروليستك لمدة خمس أسابيع كل أسبوع حقنة وكانت تمام معايا كنت برضو دكتورة تغذية ”
“بتسألني على تحليل كل فتره كنت بطنش لأني تمام مش حاسس بحاجه وكمان لا كنت بتخن ولا بخس وباكل عادي طبعا برد”
بينما تابع:
“مواظب على دايت مع الدكتورة لحد الأسبوع اللي فات فجأه مش جعان خالص
وقعدت حوالي أربع أيام مش بدخل الحمام ولا قادر أكل وجع في معدتي جامد”
“دكتورة التغذية قالت لي وقف الحقن وروح لدكتور جهاز هضمي فورا
وعملت كده رحت لدكتور قال لي حصل لي شلل مؤقت من الحقن في المعدة”
“وكان المفروض تتابع معايا مع دكتورة التغذية قلت له انا اللي كنت بطنش أنا الي كنت تمام، قالي الحقن مش وحشه مفعولها كويس”
” بس أنا بنصح أقصاها ثلاث شهور بس تاخدها وتوقف فتره وترجع تاني، بس لازم طبعا برده متابعة مع دكتور تغذية”
في تحسن مستمر
بينما اختتم إدوارد كلامه:
” من غير ما أطول عليك وأنا بقالي أسبوع بتعالج وعملت كل التحاليل حتى صبغة على الكلى
والحمد لله ما عنديش غير شويه زياده في الأملاح زي كل المصريين”
كما أضاف ” بطني بتتحسن واحدة واحدة ولسه المعدة واجعني الدكتور قالي من 8إلى 9 أيام ترجع عادي وإن شاء الله هبقى كويس”
“انا حكيت لكم تجربتي عشان بقول لكم أن الحقن مش وحشه جابت نتيجه هايلة معايا بس لازم مع دكتور
تغذية دكتور جهاز هضمي كمان و دكتور قلب لو أمكن عشان سرعة ضربات القلب أتمنى أكون قدمت لكم
معلومات كويسة عن تجربتي وربنا يشفي أي حد تعبان وأشوفكم دايما كويسين”
تغطية قوية على مدار الساعة
ويقدم موقع "البحيرة اليوم "، تغطية قوية على مدار الساعة، ورصد لأهم الأنباء والأخبار المحلية والعالمية، وتغطية خاصة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث.
كما يتابع "قسم الرياضة بالموقع" أبرز الدوريات العالمية كـ الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، إضافة إلى أخبار الفن والنقابات المختلفة.. فتابعونا.
