«انا دمي سكر زي النيل وملامحي مصرية» قصيدة لـ صلاح الجمال في ذكرى 30 يونيو
بقلم : الشاعر صلاح الجمال
انا دمي سكر زي النيل
وملامحي مصرية
والنيل جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي ياسمك موشومة
وصوتي نغم سمسمية
انا دمي سكر زي النيل وملامحي مصرية
الصبح انا بفطر
علي شوفك
وعشايا حبك يابهية
بالليل بتمشي
علي شطوطك
عاشق لياليك السحرية
والقلب معلق بهواك
علي قد ماكان عشقك ليا
اسمك مكتوب في بطاقتي الشخصية
أنا مصري مولود جوه بلادي
ابويا وامي جنسية مصرية
الصبح بتغزل في جمالك
من اول خيوط الفجرية
وبطل من شباك الشرفة
وبشأن هواكي الصافي
راح افضل اصون
كل جمايلك
وبحب الوحدة الوطنية
ومسيحي واخوه المسلم
هلال وصليب
رمز وعطية
انا دمي سكر زي النيل وملامحي مصرية
ليك من قلبي احلي تحية
في غيطانك الزرع بيطرح
سنابل قمح ذهبية
من صغري حافظ حواريكي
والأمن جواكي هدية
وفي ذكري 30 يونيه فخر وعزه ونصره قوية
ولرئيسنا السيسي الف تحية
انا دمي سكر زي النيل وملامحي مصرية
وبقول للكاره بلادي
اعرف بان مصر قوية
راح تفضل اكتر من الاول
حضاره سنين فرعونية
يامصر يا اغلي من نن عنيا
افديكي بروحي وعنيا
وفي ذكري يونيو بهنيكي
ليكي مني سلامات وتحية
انا أبن مصر البار ليها
ربنا يخليكي دايما ليا
تغطية قوية على مدار الساعة
ويقدم موقع "البحيرة اليوم "، تغطية قوية على مدار الساعة، ورصد لأهم الأنباء والأخبار المحلية والعالمية، وتغطية خاصة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث.
كما يتابع "قسم الرياضة بالموقع" أبرز الدوريات العالمية كـ الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، إضافة إلى أخبار الفن والنقابات المختلفة.. فتابعونا.
