كتبت- رحاب معيوف
كتب احمد البنداري منشوره مطولا عبر حسابه الشخصي على مواقع التواصل الاجتماعي يحذر فيه من خلاله التعاون مع الفنان محمد سعد.
سيناريو فيلم الدشاش
وكتب احمد البنداري في منشور عبر الفيسبوك “فيلم الدشاش ده اصلا اسمه كعب داير وكان مترشحله نجوم ثانيه يا ريتني كنت رحت لأي حد فيهم”
“المهم عن طريق صديق مشترك واديته لمحمد سعد تحت اسم الحاوي، وكان سعد ترشيحي انا رغم تحذير
ناس كثير من التعامل مع سعده كنت مصمم عليه وشايفه نقله ليا وليه”
وتابع المخرج حديثه، قائلا” المهم بعد ثلاث شهور شغل عليه من اللف على منتجين بالتوازي شغل على التصور البصري كله
Visual file, directors, treatment وشغل الشخصيات واللبس والديكور وطريقه الاخراج والمونتاج وال color pallet وستوري بورد كامله”
“عشان اروح للنجم بتصور كامل للفيلم مش رايحين نهزر يعني المهم بعد مكالمات مواعيد كتير
رحتله البيت انا والمألف (اللي مش بلوم عليه لانه بقى له كتير مستني فرصه من نجم المفروض انه كبير)”.
واستطرد أحمد البنداري، قائلا
” المهم المفروض السيناريو كان عاجب سعد جدا متحمس له جدا خصوصا ان كوميدي دراما
مش فارس كوميدي زي كل افلامه وكان في شركه كبيره ومنتج كبير موافق على الفيلم ”
“بحذر طبعا لسمعه محمد سعد مع المخرجين ولكني طمنته قلت له ما تقلقش سعد عجبه الفيلم ومتفقين على الخطوط العريضه كلها وكان شرط سعد الوحيد ان المنتج ما يعترضش على أجره الكبير ده كان كلامه بالحرف”
وأضاف البنداري،
” المهم المنتج ده كلم سعد واداله أكتر من ميعاد وسعد لغى كل المواعيد لاسباب مختلفه لحد ما في يوم كلم هو
المنتج وقال له ان الفيلم مش عاجبه وان السيناريو ضعيف”
“وانه عايز يحدد معاه ميعاد على فيلم تاني (لما النجم المفروض كبير يقول لمنتج ان الفيلم اللي بقى لي شهور
مجننه معايا في انه فيلم ضعيف وحش وهو قتلي فرصي مع المنتج ده وقتها المهم لما المنتج كلمني
وقال لي استغربت جدا ده عكس كلامه 100%”
محادثات واتساب
وتابع احمد البنداري حديثه، قائلا ” المهم بعدها كلمته قال لي نفس الكلام ان الفيلم مش عاجبه ما حبيتش
اطول في المكالمه خصوصا ده حقه انه يعجبه الفيلم او ما يعجبوش”
” مع انه ما قالش كده من الاول بالعكس والحمد لله على نعمه التكنولوجيا الواتساب كله موجود بس الغريب أني
اكتشف بعد كده أن الدشاش هو الحاوي مع مخرج ثاني ومنتج ثاني ليهم كل الاحترام والتقدير والتمنيات بالتوفيق ”
” مع فارق في نجم كبير جدا مش هقول اسمه رحت له بالفيلم شفت منه بصراحه ووضوح في اللي عاجبه اللي
مش عاجبه وقرا الفيلم كويس مش حد قالي وحاكي له الفيلم ده غير التزام رهيب في المواعيد مع انه حقيقي مش فاضي لحد آخر 2025 يناير ”
اختتم المخرج كلامه
” ربنا يوفق الجميع وده كان تحذير لأي صانع أفلام من التعامل مع محمد سعد من غير ما يكون مأمن نفسه ومجهود 100%
لأن مجهودك والتزامك وصدقك دول شرفك في الشغلانه دي وهم اللي هيخلوك تعرف تحط صباعك في عين التخين وتقوله كده غلط وعيب وميصحش”
تغطية قوية على مدار الساعة
ويقدم موقع "البحيرة اليوم "، تغطية قوية على مدار الساعة، ورصد لأهم الأنباء والأخبار المحلية والعالمية، وتغطية خاصة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث.
كما يتابع "قسم الرياضة بالموقع" أبرز الدوريات العالمية كـ الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، إضافة إلى أخبار الفن والنقابات المختلفة.. فتابعونا.
