«أنا الوحش ومبريحش» كليب لـ رضا البحراوي يتصدر ترند اليوتيوب ( فيديو )

تصدر الفنان رضا البحراوي تريند “اليوتيوب” بكليب “أنا الوحش ومبريحش“، الذي طرحه منذ ساعات عبر قناته الرسمية، ووصلت نسبة مشاهدته إلى ما يقرب من 100 ألف مشاهدة.

وتتضمن كلمات الكليب: “اللي إحنا مش في حياته، الحلو كله فاته والله يعوض عليه، ويا بخته بينا يا بخته اللي احنا من بخته، الحاجة داعية ليه، الملامح أسد والقلب مش موجود، اخوك طالع من بلد مش بتجيب إلا أسود، الهيبة فينا كده كده من يومنا واحنا ملوك، اسأل عن جدعنا وعلينا هيدلوك، أنا أنا يا ابني اتقل راس في البلد، من غير ملف ولا مستند”.

وفي سياق متصل، أشاد المطرب رضا البحراوي بمغني المهرجانات كزبرة وبالنجاح الذي وصل إليه، خاصة بعد مشاركته في مسلسل “كوبرا” بطولة محمد عادل إمام.

وخلال لقاءه مع الإعلامية ياسمين عز في برنامج “كلام الناس” على قناة MBC مصر، قال رضا البحراوي: “أنا في الحقيقة سعيد لكزبرة لما وصل إليه، كافح كثيرا حتى يصل إلى ما هو فيه.. غلبان شقي وتعب كتير”.

وأضاف البحراوي: “أنا عندي 8 أولاد آخرهم ريان لسه مولود، ومش حقيقي إني خلفت 9 أطفال زي ما هو منتشر على السوشيال ميديا”.

وأكمل قائلاً: “أنا بحب العزوة ويبقى عندي أطفال كتير وعلشان كده خلفت 8 أولاد”.

وعن عزوته، قال البحراوي: “أنا بحب أهلي وإخواتي وأحب يكون ورايا عزوة وناس، والمهنة بتاعتي لو كانت دامت لغيري مكنتش وصلت ليا، علشان كدة أهم حاجة عزوتي وسندي المتمثل في ولادي وأبويا وأمي وأخواتي”.

وختم البحراوي حديثه قائلاً: “أنا كسبان علشان أبويا وأمي راضيين عني والحمد لله أكتر حاجة بتشغلني هو رضاهم”.